नांदेड जिल्ह्यात आज 400 व्यक्ती कोरोना बाधित; 72 कोरोना बाधित झाले बरे

604
नांदेड –

नांदेड जिल्ह्यात आज प्राप्त झालेल्या 1 हजार 618 अहवालापैकी 400 अहवाल कोरोना बाधित आले आहेत. यात आरटीपीसीआर तपासणीद्वारे 343 तर अँटिजेन तपासणीद्वारे 57 अहवाल बाधित आले आहेत. जिल्ह्यात आजवर एकुण बाधितांची संख्या 92 हजार 189 एवढी झाली असून यातील 88 हजार 98 रुग्णांना रुग्णालयातून सुट्टी देण्यात आलेली आहे. आजच्या घडीला 1 हजार 436 रुग्ण उपचार घेत असून 3 बाधितांची प्रकृती अतिगंभीर आहे. जिल्ह्यातील कोरोनाचा प्रादुर्भाव कमी करण्यासाठी सेवाभावी संस्था, प्रतिनिधी आणि जागरुक नागरिकांनी आरोग्य जागराच्या चळवळीत जनतेने सहभाग घेवून मास्क, सॅनिटायझर, सुरक्षित अंतर आणि लसीकरण याबाबत व्यापक जनजागृती करुन अनावश्यक घराबाहेर पडणे टाळावे, असे आवाहन जिल्हाधिकारी डॉ. विपीन इटनकर यांनी केले आहे.

जिल्ह्यात आतापर्यंत बाधित मृत रुग्णांची संख्या 2 हजार 655 एवढी आहे. आजच्या बाधितांमध्ये आरटीपीसीआर तपासणीद्वारे 343 तर ॲटीजन तपासणीद्वारे 57 असे  एकुण 400 कोरोना बाधित आढळले आहे.

जिल्ह्याची कोरोना संशयित व कोविड बाधितांची संक्षिप्त माहिती –

एकुण घेतलेले स्वॅब- 8 लाख 12 हजार 73
एकुण निगेटिव्ह स्वॅब- 7 लाख 6 हजार 13
एकुण पॉझिटिव्ह बाधित व्यक्ती- 92 हजार 189
एकूण रुग्णालयातून सुट्टी दिलेली संख्या- 88 हजार 98
एकुण मृत्यू संख्या-2 हजार 655
उपचारानंतर बाधित रुग्ण बरे होण्याचे प्रमाण 95.56 टक्के
आज स्वॅब तपासणी अनिर्णीत संख्या-9
आज स्वॅब नाकारण्यात आलेली संख्या-34
आज प्रलंबित स्वॅब तपासणी संख्या-निरंक
रुग्णालयात उपचार घेत असलेले बाधित व्यक्ती-1 हजार 436
आज रोजी अतिगंभीर प्रकृती असलेले-3

कोविड विषाणू विरुद्धची लस सुरक्षित असून कोरोनाची लाट पुन्हा येण्यापासून प्रतिबंध करण्यासाठी कोविड-19 लसीकरण दिर्घकाळ आणि प्रभावी उपाय आहे. “मिशन कवच कुंडल” अंतर्गत 18 वर्षावरील सर्व व्यक्तींनी कोविड लसीकरण करून घ्यावे आणि इतरांनाही लस घेण्यासाठी प्रोत्साहित करावे. ज्या नागरिकांनी कोविडच्या पहिल्या लसीचा डोस घेतला आहे त्यांनी ठराविक कालावधी नंतर दुसऱ्या लसीचा डोस आवश्यक घ्यावा, असेही आवाहन करण्यात आले आहे.

Leave A Reply

Your email address will not be published.